Pesëmbëdhjetë civilë u vranë dhe shumë të tjerë u plagosën në sulmet e “terroristëve” në fshatrat në Tilaberi të Nigerit perëndimor, afër Burkina Fasos, thanë forcat e armatosura mbrëmjen e së mërkurës.

“Në zonën e Meana, elementët terroristë kryen akte të tmerrshme dhune kundër civilëve të pambrojtur, numri është i rëndë dhe tragjik: 14 persona humbën jetën dhe shumë të tjerë u plagosën,” thanë forcat e armatosura nigeriane, pa specifikuar datën e nisjes së sulmeve.

Duke reaguar, ushtarët në Meana neutralizuan dy terroristë dhe dogjën motoçikletën e sulmuesve.

Sulmet kishin në shënjestër gjashtë komunitete në prefekturën Tillaberi, në sektorin e kufirit ndërkombëtar të Nigerit, Malit dhe Burkina Fasos, i cili është një strehë për organizatat xhihadiste Saheliane që zotohen për besnikëri ose ndaj Shtetit Islamik ose Al-Kaedës.

Meana ndodhet në provincën Tera, ku kohët e fundit kanë shpërthyer më shpesh betejat mes forcave të armatosura të Nigerit dhe xhihadistëve. Civilët në rajon janë rregullisht në shënjestër të xhihadistëve, gjë që ka shkaktuar zhvendosje të mëdha të popullsisë./abcnews.al